ვაქცინის მესამე, ე.წ. ბუსტერ დოზა შესაძლოა, ყველა ასაკის ადამიანისთვის გახდეს ხელმისაწვდომი

ვაქცინის მესამე, ე.წ. ბუსტერ დოზა შესაძლოა, ყველა ასაკის ადამიანისთვის გახდეს ხელმისაწვდომი.

საქართველოს ჯანდაცვის მინისტრის მოადგილე თამარ გაბუნიას განცხადებით, აღნიშნულ საკითხზე მსჯელობა მიმდინარეობს.

„მიმდინარეობს მსჯელობა, ხომ არ არის მიზანშეწონილი, გაფართოვდეს და მოიხსნას ასაკობრივი ზღვარი. მაგალითად, მწეველების შემთხვევაში, დადგენილია, რომ ბუსტერ დოზის ეფექტურობა მაღალია და ჩვენთვის ძალიან რთული იქნება, ასაკობრივად გავმიჯნოთ მწეველი არამწეველისგან. ამდენად, შესაძლოა, მივცეთ რეკომენდაცია, რომ პირს თუ აქვს რაიმე თანმხლები დაავადება, მან ჩაიტაროს ბუსტერ დოზა და ექიმთან შეთანხმებით, ნებსიმიერი ასაკის პირს თავად შეეძლება გადაწყვეტილების მიღება“, – განაცხადა თამარ გაბუნიამ.