ვინც ჰოსპიტალში ხვდება, 98% აცრილი არ არის - თამარ გაბუნია

ჯანდაცვის მინისტრის მოადგილის თამარ გაბუნიას განცხადებით, ის მოქალაქეები, ვინც ჰოსპიტალში ხვდებიან, მათი 98% აცრილი არ არის. ამის შესახებ მინისტრის მოადგილემ რუსთავი2-ის ეთერში იასუბრა.

"სტატისტიკა რასაც გვეუბნება, ინფიცირებულების უდიდესი ნაწილი არ იყო აცრილი. ასევე იმ პირების უდიდესი ნაწილი ვინც ჰოსპიტალში ხვდება ასევე არ იყო აცრილი. როდესაც ვამბობ უდიდესი ნაწილი, ეს არის 98%. ასევე, რეანიმაციაში აცრილი პირების 1%-ზე ნაკლები ხვდება.

უკვე აღარ არის სადავო, რომ ვაქცინა იცავს რეალურად როგორც ინფიცირების, ასევე ჰოსპიტალიზაციის და კიდევ უფრო მეტად ძლიერად გარდაცვალებისგან, რაც ძალიან მნიშვნელოვანია დელტა შტამის ასეთი საშიში, დამაზარალებელი ზემოქმედების პირობებში", - განაცხადა თამარ გაბუნიამ.