ჩეხეთის საპარლამენტო არჩევნებში ოპოზიციურმა კოალიციამ გაიმარჯვა

ოპოზიციურმა კოალიციამ „ერთად“, რომელიც სამი ლიბერალური პარტიისა და მოძრაობისგან შედგება, ჩეხეთის საპარლამენტო  არჩევნებში გაიმარჯვა.

მედიის ინფორმაციით, ბიულეტინების 99,9 პროცენტის დათვლის შედეგად კოალიცამ „ერთად“ ხმათა 27,7 % მიიღო და მას ვერცერთი პარტია ვეღარ დაეწევა.

მეორე ადგილი მმართველმა ცენტრისტულმა მოძრაობა ANO-მ დაიკავა, რომელსაც პრემიერი და ოლიგაქრი ანდრეი ბაბიში ხელმძღვანელობს. ის გამარჯვეულს 0,6 პროცენტით ჩამორჩა და ამომრჩეველთა ხმების 27,1% დააგროვა. ჩეხეთის მედიის ცნობით, მთავრობის მეთაურმა დამარცხება უკვე აღიარა. მესამე ადგილი კი კიდევ ერთ ლიბერალურ კოალიციას ერგო, რომელმაც ხმების 15% მიიღო.  

ორივე ლიბერალური კოალიციის ლიდერმა უკვე განაცხადა, რომ უახლოეს დღეებში მოლაპარაკებას დაიწყებს ძალთა გაერთიანების შესახებ ახალი მთავრობის შესაქმნელად. ორივე მთგანი პარლამენტში 200-დან 108 სადეპუტატო მანდატს მიიღებს.