კონსტრუქტორები და გეოლოგები შეისწავლიან შენობების მდგრადობას, რამდენად უსაფრთხოა იქ დარჩენა და ცხოვრება - თორნიკე რიჟვაძე

ბათუმში, სამაშველო ოპერაციის დასრულების შემდეგ, კონსტრუქტორები და გეოლოგები შეისწავლიან შენობების მდგრადობას, – განუცხადა აჭარის მთავრობის თავმჯდომარე თორნიკე რიჟვაძემ ჟურნალისტებს.

„როგორც კი მაშველები მორჩებიან სამუშაოებს, აქ მობილიზებული არიან როგორც კონსტრუქტორები, ასევე გეოლოგები და ირგვლივ შეისწავლიან ყველა შენობის მდგრადობას, რამდენად უსაფრთხოა იქ დარჩენა და ცხოვრება.

ამასთან, დადგა შესაბამისი პასუხისმგებლობა კონკრეტული პირების მიმართ. რაც ყველაზე მნიშვნელოვანია, უნდა დაველოდოთ გამოძიების შედეგებს“, – განაცხადა თორნიკე რიჟვაძემ.

ამ დროისთვის კორპუსის ჩამონგრევის შედეგად სულ 6 ადამიანია გარდაცვლილი. მაშველებმა ნანგრევებიდან 2 ადამიანი ცოცხალი ამოიყვანეს, თუმცა ქალი სხეულის მძიმე დაზიანებებით საავადმყოფოში გარდაიცვალა. შინაგან საქმეთა მინისტრის ინფრომაციით, ნანგრევებში კიდევ 3 ადამიანს ეძებენ.

ამ დროისთვის კორპუსის ჩამონგრევის შედეგად სულ 6 ადამიანია გარდაცვლილი. მაშველებმა ნანგრევებიდან 2 ადამიანი ცოცხალი ამოიყვანეს, თუმცა ქალი სხეულის მძიმე დაზიანებებით საავადმყოფოში გარდაიცვალა. შინაგან საქმეთა მინისტრის ინფრომაციით, ნანგრევებში კიდევ 3 ადამიანს ეძებენ.

 26 მაისის ქუჩაზე საცხოვრებელი კორპუსის ნაწილი 8 ოქტომბერს, დაახლოებით 12:00 საათზე ჩამოინგრა.