საქართველოს ბანკისა და "წიგნების თაროს სკოლის“ პარტნიორობა ახალი კურსით გრძელდება

კორპორაციული სოციალური პასუხისმგებლობის ფარგლებში, საქართველოს ბანკი განათლების ხელშეწყობის მიზნით პროექტების მხარდაჭერას განაგრძობს. ამჯერად ბანკის უშუალო ჩართულობით „წიგნების თაროს სკოლასთან“ ერთად
დაწყებითი კლასების მოსწავლეებისთვის კიდევ ერთ კურსი იწყება.

„წიგნების თაროს სკოლა“ დაწყებითი კლასის მოსწავლეებისთვის შექმნილი არაფორმალური განათლების სივრცეა, სადაც მიწვეულ პედაგოგებთან ერთად მასწავლებლის როლს სტუდენტები ითავსებენ. სკოლაში სწავლება ეფუძნება პრინციპს „შემეცნება გართობით“, რაც სწავლის პროცესს ინოვაციურს, სახალისოს და საინტერესოს ხდის.

მოსწავლეები ისეთ საგნებს შეისწავლიან, რომლებიც მნიშვნელოვანია დაწყებითი კლასების მოსწავლეებისთვის, მათი კომპლექსური განათლებისა და განვითარებისთვის, კერძოდ: მითოლოგია და ცივილიზაციები; დედამიწა და კოსმოსი; ადამიანი და ჯანმრთელობა; ლოგიკური აზროვნება და მათემატიკური თავსატეხები; შემოქმედებითი აზროვნება და ესთეტიკის აღქმა; რიტორიკული აზროვნება და საუბრის ხელოვნება.

სკოლაში დარეგისტრირებულ თითოეულ მოსწავლეს დამატებით, საჩუქრად გადაეცემა მსოფლიო ლიტერატურის კურსი, რომელსაც “წიგნების თაროს” კრეატიული დირექტორი, მწერალი და ტელეწამყვანი, ალექსანდრე ლორთქიფანიძე გაუძღვება.

ახალ კურსზე სიახლეა მოწვეულ სტუმრებთან დაკავშირებით. გარდა მსოფლიო ლიტერატურის კურსისა, სკოლაში დარეგისტრირებული თითოეული მოსწავლე საჩუქრად მიიღებს საზოგადოებისთვის კარგად ნაცნობი სახეების მასტერკლასებს. განვლილი კურსების განმავლობაში ბავშვებს გაკვეთილი ჩაუტარეს დათო გორგილაძემ, ბექა ადამაშვილმა, ცვატა ბერძენიშვილმა, კოტე მათითაშვილმა, დათო ევგენიძემ და ა.შ.

სკოლაში სწავლა 25 ოქტომბერს დაიწყება,  რეგისტრაცია 27 სექტემბრიდან 22 ოქტომბრის ჩათვლით იქნება შესაძლებელი, ვებგვერდზე: https://school.wignebistaro.ge

გაკვეთილების განრიგის, მასწავლებლების მოკლე ბიოგრაფიების და დამატებითი ინფორმაციის ნახვა ამავე მისამართზეა შესაძლებელი. ჯგუფებში მოსწავლეების რაოდენობა 12-მდეა შეზღუდული. რეგისტრაცია შესაძლებელია როგორც ერთ, ისე ყველა საგანზე. თითოეულ მოსწავლეს კურსის დამთავრების შემდეგ  გადაცემა სერტიფიკატი.

ინფორმაციისთვის, არაფორმალური განათლების უნიკალური სივრცე, 2020 წლის გაზაფხულზე დაარსდა. შემეცნება გართობით - “წიგნების თაროს სკოლის” მთავარი პრინციპია, გაკვეთილები სხვადასხვა მულტიმედიური მასალის დახმარებით, თამაშებით და ინტერაქციული მეთოდებით ტარდება.