აშშ თურქეთს ემუქრება ახალი სანქციებით რუსეთთან С-400-ზე გარიგების შემთხვევაში

ამერიკის სენატის კომიტეტი საერთშორისო ურთიერობების საკითხებში, ანკარას დაემუქრა დამატებითი სანქციებით რუსეთთან ჰაერსაწინააღმდეგო თავდაცვის სისტემების С-400-ის შეძენასთან დაკავშირებით ახალი შეთანხმების გაფორმების შემთხვევაში.

„ჩვენ ნათლად გამოვხატეთ ჩვენი პოზიცია, როდესაც მივიღეთ კანონი CAATSA (კანონი „ამერიკის მოწინააღმდეგეებთან ბრძოლის შესახებ სანქციების საშუალებით“): სანქციები დაუწესდება ნებისმიერ კომპანიას, რომელიც ეწევა მსხვილ ბიზნესს რუს სამხედროებთან ან სადაზვერვო სტრუქტურებთან. თურქეთის ნებისმიერი ახალი შესყიდვა გამოიწვევს ახალ სანქციებს“, - ნათქვამია კომიტეტის მიერ Twitter-ში გამოქვეყნებულ  განცხადებაში.

თურქეთის პრეზიდენტმათაიფ ერდოღანმა ცოტა ხნის წინ ამერიკულ ტელეარხ CBS-თან ინტერვიუში დაადასტურა, რომ ანკარა უახლოეს ხანში აპირებს შეიძინოს რუსული С-400-ის კიდევ ერთი პარტია. ერდოღანის თქმით, ეს საკითხი მხოლოდ თურქეთის გადასაწყვეტია და არც ერთ სხვა ქვეყანას მის საქმეში ჩარევის უფლება არ აქვს.

თურქეთმა და რუსეთმა С-400-ის შეძენის შესახებ კონტრაქტი 2017 წელს გააფორმეს. ჰაერსაწინაღმდეგო თვადაცვის კომპლექსები თურქეთმა 2019 წლის ზაფხულსა და შემოდგომაზე მიიღო. გარიგებამ კრიზისი გამოიწვია თურქეთსა და აშშ-ს შორის. ვაშინგტონი მოითხოვდა თურქეთს ამერიკული კომპლექსები Patriot-ი შეეძინა და აცხადებდა, რომ  შეაჩერებდა ან საერთოდ შეწყვეტდა უახელეს ავიაგამანადგურებელ F-35-ის თურქეთისთვის მიყიდვას და ანკარას ემუქრებოდა სანქციებით.

ანკარა არ აპირებს უარი თქვას С-400-ზე. თურქეთის პრეზიდენტმა აგვისტოში განაცხადა, რომ რუსეთისგან  მეორე პოლკის საზენიტო-სარაკეტო კომპლექს С-400-ისშეძენა ეჭვის ქვეშ არ დგას აშშ-ის ზეწოლის მიუხედავად. ერდოღანის თქმით, რუსეთთან გარიგება უკვე დასრულებულია და არ გადაიხედება.