ცუდია, თუ ვინმეს უსმენენ, მაგრამ არ მაქვს მტკიცებულებები - კახა კალაძე

თბილისის მერის კახა კალაძის განცხადებით, არანაირი მტკიცებულება არ არსებობს იმასთან დაკავშირებით, რომ დღეს ვინმეს უსმენენ.

კახა კალაძის განცხადებით, ცუდია, თუ მსგავსი ფაქტები ახლაც არსებობს, მაგრამ არ აქვს მტკიცებულებები, რომ ეს ახლაა გაკეთებული.

„მე ამასთან დაკავშირებით არანაირი ინფორმაცია არ მაქვს. არანაირი მტკიცებულება არ არსებობს იმასთან დაკავშირებით, რომ ვინმე ვიღაცას უსმენს. ის წლები მახსოვს, როდესაც ძალიან ბევრ ადამიანს უსმენდნენ და შინ ცოლი ქმარს ვერ ელაპარაკებოდა, მეგობარი მეგობარს ვერ ელაპარაკებოდა. ეს წლები მახსოვს. თუ ახლაც არსებობს ასეთი რაღაცები, ძალიან ცუდია, არ მივესალმები ამას, მაგრამ არ მაქვს ამასთან დაკავშირებით მტკიცებულებები, რომ ეს ახლაა გაკეთებული“, – აღნიშნა კახა კალაძემ.

ინტერნეტში 13 სექტემებერს, სასულიერო პირებსა და საპატრიარქოს თანამშრომლებზე სავარაუდო წერილობითი და აუდიომასალა გავრცელდა.