შეერთებული შტატების სურსათისა და მედიკამენტების ადმინისტრაციამ (FDA) "ფაიზერის" ვაქცინას 16 წლის და უფროსი ასაკის ადამიანებისთვის სრული ავტორიზაცია მიანიჭა.

ეს არის კორონავირუსის საწინააღმდეგო პირველი ვაქცინა, რომელსაც სურსათისა და მედიკამენტების ადმინისტრაციის სრული ავტორიზაცია აქვს.

ტელეკომპანია CNN-ის ცნობით, სრული ავტორიზაციის მინიჭება გზას უხსნის სავალდებულო ვაქცინაციის დაწესების ინიციატივას.

"ფაიზერის" ვაქცინა შეერთებულ შტატებში, 2020 წლის დეკემბრის შუა რიცხვებიდან, გადაუდებელი გამოყენებისთვის ნებადართულია 16 წლის და უფროსი ასაკის ადამიანებისთვის. მაისში ავტორიზაცია გავრცელდა 12 წლის და უფროსი ასაკის პირებზე.

შეერთებულ შტატებში 170 მილიონზე მეტი ადამიანი სრულად ვაქცინირებულია, აქედან 92 მილიონზე მეტმა მიიღო ფაიზერის ვაქცინა.

მოელიან, რომ სრული ავტორიზაციის მიღებამ, შეიძლება წაახალისოს ის ადამიანები, რომლებიც გადაუდებელი გამოყენების ავტორიზაციის გამო, ჯერ კიდევ თავს იკავებდნენ ვაქცინაციისგან.

"ფაიზერმა" FDA-ის სრული ავტორიზაციის მოთხოვნის განაცხადით 7 მაისს მიმართა