ერთი ჟურნალისტი დაიღუპა და რა ამბავში ხართ და მასობრივ არეულობაში რაც მოხდებოდა, დაგაკმაყოფილებდათ ვამპირებო? - მეუფე ანტონი აშშ-სა და ევროკავშირის საელჩოებს

ერთი ჟურნალისტი დაიღუპა და რა ამბავში ხართ და იმ მასობრივ არეულობაში რაც მოხდებოდა დაგაკმაყოფილებდათ ვამპირებო? -  ვანისა და ბაღდათის მიტროპოლიტი, მეუფე ანტონი საქართველოში ამერიკის შეერთებული შტატებისა და ევროკავშირის საელჩოებს სოციალური ქსელით მიმართავს.

"რატომ   უქნევთ თითს  ქართველ  ხალხს, ჩვენს  ღირებულებებს .....
რატომ  ფუთავთ  უზნეობას ზნეობრიობის  მანტიაში.  გველს რომ ბულბულს   არქმევთ , ნუთუ  ფიქრობთ თქვენს   გაწვრთნილობას  და  დახვეწილობას    სასაუბრო  ენაში  ეს „ბნელი ხალხი „   ვერ  მიგიხვდებით?

ვამჩნევ  ნებისმიერი ჩვენი მოაზროვნე, ხელისუფალი, სასულიერო პირი თუ უბრალოდ პატიოსანი ადამიანი რომ გამოდის, ჯერ აუცილებლად უნდა იხმაროს ძალადობას ვგმობ, ვემიჯნები, რა ძალადობა, ვინაა ძალადობის მომხრე, იცითმ როდესაც კაცს თავისმართლების რეჟიმში აგდებთ მოგებული ხართ. თუ ვინმეა მოძალადე ეგ თვენ ხართ, აბსოლიტურ უმრავლესობას ძალადობრივად თავს რომ ახვევთ თქვენს გამრუდებულ შეხედულებებს.

რაიო?  შეურაცყობილები ვართო, რატომ არ გამოიყვანეთ სპეცტექნიკა , რომლითაც  აღჭურვეთო? რატომ არ იძალადეთ  უმრავლესობაზეო?  ერთი ჟურნალისტი დაიღუპა და რა ამბავში ხართ და იმ მასობრივ არეულობაში რაც მოხდებოდა დაგაკმაყოფილებდათ ვამპირებო? ყველას პირში არ არის და არც იქნება მარწყვის გემო. რა გამოგილევთ გვარამიებს, უგულავებს, ფსევდო ჯაფარიძეებს, კაცთმოძულე ბერძენიშვილებს და უმგვანო დიაცთ რომელთა სახელების ხსენება  უხსენებელისავითაა... მაგრამ იცოდეთ ჩვენც ვართ!!!  ვერ გიშველით შეფუთული 17 მილიარდი, რომელიც ვითომ ჩვენი კეთილდღეობისთვისაა,  ვხდებით უკვე ყველაფერს...

ჩვენ რუსეთს უთხარით უარი, დაგვიმარტოხელეთ  და  ალერსით გაბრუებულებს და საკენკით მიტყულებულებს გინდათ მოგვახვიოთ თქვენი მრუში- ბილწი და  გარყვნილი იდეალები.  გინდათ  შეძვრეთ  ჩვენს  ბაღებში, სკოლებში იქ  გინდათ ასწავლოთ და ვადაზე ადრე „გაუნათოთ“  გონება ბავშებს. პირველი ღილი გინდათ შეუბნიოთ  არასწორად დანარჩენი იცით თავისთავად წავა...

ნუ  გავიძულებთ  დამარტოხელებულებმა    ნაცნობ  ჭირთან ყოფნა ვირჩიოთ.
გულში ლახვარი  სჯობს, უკანალში ლახვარს!

თქვენასვით დახვეწილად და დიპლომატიურად ვერ გწერთ  და  ასისინდებიან  ეხლა ვისაც  ღილები აუბნიეთ და პირში მარწყვის გემო დაუტოვეთ., ზოგს ენა არ მოეწონება, ზოგს  სურათი ზოგს კიდე რა..." - წერს მიტროპოლიტი.