თინათინ ხიდაშელი ეროვნული კრების თავმჯდომარეს შეხვდა

სომხეთის რესპუბლიკაში ოფიციალური ვიზიტის მეორე დღეს საქართველოს თავდაცვის მინისტრმა თინათინ ხიდაშელმა ეროვნული კრების თავმჯდომარესთან გალუსტ საჰაკიანთან გამართა შეხვედრა. მხარეებმა ორ ქვეყანას შორის ურთიერთობის გაღრმავებისა და რეგიონის უსაფრთხოების საკითხები განიხილეს. საუბარი შეეხო საერთაშორისო მისიებში მონაწილეობასაც.

საქართველოს თავდაცვის უწყების ხელმძღვანელმა გალუსტ საჰაკიანთან განხილული თემები შეხვედრის დასრულების შემდეგ შეაჯამა. „ვისაუბრეთ მხარდაჭერაზე, რომელიც სამხედრო, თავდაცვის, უსაფრთხოების სფეროში გააქტიურებული თანამშრომლობის პირობებში პოლიტიკური სეგმენტიდან სჭირდება აღმასრულებელ ხელისუფლებას. ვისაუბრეთ საერთაშორისო ფორმატებზე, რომელშიც ჩვენი ორი ქვეყანა ერთობლივად მუშაობს, ერთობლივად ეწევა საკუთარ საქმიანობას,“ - განაცხადა თინათინ ხიდაშელმა.