იმედია, სასამართლო გადაწყვეტილება აღსრულდება ყოველგვარი წინააღმდეგობის გარეშე - მეუფე გრიგოლი ნინოწმინდის პანსიონატზე

იმედი მაქვს, სასამართლო გადაწყვეტილება აღსრულდება ყოველგვარი სირთულეებისა და ყოველგვარი წინააღმდეგობის გარეშე, – განაცხადა ფოთისა და ხობის მიტროპოლიტმა, მეუფე გრიგოლმა ნინოწმინდის ბავშვთა პანსიონთან დაკავშირებით სასამართლოს მიერ მიღებული გადაწყვეტილების შესახებ საუბრისას.

როგორც მეუფე გრიგოლმა განაცხადა, ბავშვების საკითხს პასუხისმგებლობით სჭირდება გაძღოლა.

„რაც შეეხება კონკრეტულ საქმეს, მე ის ვიცი, რაც არის ახლა ძალიან დიდი ხმაური და სიმართლე ვთქვათ აი, ტყუილ-მართალი იმდენად არის ერთმანეთში არეული, ძალიან ძნელი ხდება დასკვნების გაკეთება, რადგან დიდი პასუხისმგებლობის გრძნობა აკისრია თითოეულ ადამიანს. ჩვენ შეიძლება ერთი საქმე გავაკეთოთ, მეორე გავაფუჭოთ. აი, ასეთი რამ გვემართება ხოლმე, ამიტომ ის, რომ სასამართლოს მიუღია დადგენილება, იმედი მაქვს, სასამართლო გადაწყვეტილება აღსრულდება ყოველგვარი სირთულეებისა და ყოველგვარი წინააღმდეგობის გარეშე. თუ უწესრიგობაა, მივესალმები წესრიგის დამყარებას. თუ დანაშაულია, აღმოფხვრას, თუ რაიმე უკეთურებაა, გამოსწორდეს“, – განაცხადა მეუფე გრიგოლმა.