5 ივლისს თბილისში "ღირსების მარში" გაიმართება

5 ივლისს "თბილისი პრაიდი" თბილისში, რუსთაველის მეტროსთან "ღირსების მარშს" გამართავს.

1-5 ივლისს თბილისში პრაიდკვირეული გაიმართება. კვირეულის ფარგლებში სხვადასხვა კულტურული და სოციალური ღონისძიება გაიმართება.

ასევე, 5 ივლისს რუსთაველის მეტროსთან ღირსების მარში ჩატარდება. „პრაიდის“ ორგანიზატორები არიან „თბილისი პრაიდი“, მოძრაობა „სირცხვილია“, „ქალთა მოძრაობა“, და GrlzWave.

თბილისი პრაიდი" პრაიდის კვირეულის ფარგლებში მოაწყობს დოკუმენტური ფილმის ჩვენებას და მუსიკალურ ფესტივალს.

"ჩვენ, ქვიარ ადამიანებს გვჭირდება, ხმამაღლა ვისაუბროთ ჩვენს პრობლემებზე; გვჭირდება, რომ ჩვენი ოჯახის წევრებს, მეგობრებს, კოლეგებს, თანამოქალაქეებს და სახელმწიფოს გავაგონოთ ჩვენი ხმა", - აცხადებენ "ღირსების მარშის" ორგანიზატორები.

ორგანიზატორების თქმით, წელს მთავარი სათქმელი სოლიდარობის გამოხატვა იქნება. მათი განცხადებით, სოლიდარობას უცხადებენ ყველა სოციალურ პროტესტს, მათ შორის ნინოწმინდასა და რიონის ხეობაში მიმდინარე პროცესებს.