დმანისში ვითარება ისევ დაიძაბა

საქართველო, თბილისი - 11:39 | 17.05.2021
ნანახია: 128

დმანისში ვითარება გამწვავდა. დაპირისპირებაა 9 აპრილის ქუჩაზე, სადაც ხელკეტებითა და ჯოხებით შეიარაღებული აზერბაიჯანელები და ქართველები არიან შეკრებილნი. 

ადგილზე მობილიზებულნი არიან სამართალდამცველები. ისინი დაპირისპირებულ მხარეებს კორდონით იცავენ და ერთმანეთთან მიახლოების საშუალებას არ აძლევენ. ადგილზე იმყოფებიან სპეცდანიშნულების რაზმის წევრებიც.

გავრცელებული ინფორმაციით, დაკავებულია რამდენიმე ადამიანი. 

დმანისში ახალგაზრდების ორ ჯუფს შორის დაპირისპირება გუშინ მოხდა. ახალგაზრდები ერთმანეთს ხელკეტებით გაუსწორდნენ. დაპირისპირებული მხარეების ყველა წევრი პოლიციაში გუშინ დაკითხეს, გამოკითხვები დღესაც გრძელდებოდა, რა დროსაც დაპირისპირების ახალი ტალღა დაიწყო.

დაპირისპირების მიზეზი მაღაზიაში ე.წ. ნისიაზე უარის თქმა გახდა.




არქივი

მოგვძებნე Facebook-ზე