გურჯაანისა და საგარეჯოს მუნიციპალიტეტის სოფლები დაისეტყვა

ცოტა ხნის წინ გურჯაანისა და საგარეჯოს მუნიციპალიტეტი დაისეტყვა. დაზარალებულია სოფელი კაჭრეთი, ქოდალო და არაშენდა.

ნაწილობრივ განადგურებულია სასოფლო-სამეურნეო სავარგულები, ერთწლიანი ნარგავები და ვენახები.

გურჯაანის მერის ინფორმაციით, სტიქიის ზონაში კომისიასთან ერთად ვითარებას ადგილზე ეცნობა და ზარალის ზუსტი ოდენობის შესახებ მოგვიანებით გახდება ცნობილი.

საგარეჯოს მუნიციპალიტეტის ორ სოფელს ხაშმსა და პატარძეულს კი მცირე ზარალი მიადგა.