ალექსეი ნავალნის გარდაცვალების შემთხვევაში, რუსეთს მძიმე შედეგები ელოდება - ჯეკ სალივანი

პატიმრობაში მყოფი რუსი ოპოზიციონერი ლიდერის ალექსეი ნავალნის სიკვდილის შემთხვევაში რუსეთს მძიმე შედეგები ელოდება. ამის შესახებ აშშ-ის პრეზიდენტის მრჩეველმა ეროვნული უსაფრთხოების საკითხებში ჯეკ სალივანმა განაცხადა. იუწყება CNN.

„ჩვენ ვაცნობეთ რუსეთის ხელისუფლებას, რომ ის, რაც ხდება ციხეში ნავალნისთან დაკავშირებით, მისი პასუხისმგებლობაა და ისინი (ხელისუფლების წარომადგენლები) პასუხს  აგებენ საერთაშორისო საზოგადოების წინაშე“, - განაცხადა სალივანმა. მას არ დაუსახელებია კონკრეტული ზომები, რომლებსაც ამერიკის ხელისუფლება განიხილავს. „თუმცა ჩვენ ვაცნობეთ, რომ ნავალნის სიკვდილის შემთხვევაში, დადგება შედეგები“-, დასძინა მან.

ალექსეი ნავალნი გულის შეტევის რისკის წინაშეა. ექიმები პოლიტიკოსის ჯანმრთელობის კრიტიკულ მდგომარეობაზე საუბრობენ და ნავალნისთან ექიმის დაშვებას ითხოვენ. ნავალნის ექიმის თქმით, პაციენტი შეიძლება ნებისმიერ მომენტში გარდაიცვალოს.