საქართველოში Pfizer-ით ვაქცინაცია 30 მარტიდან იქნება შესაძლებელი

საქართველოში Pfizer-ით ვაქცინაცია 30 მარტიდან იქნება შესაძლებელი, ხოლო დღეს საღამოდან კი Pfizer-ით ვაქცინაციისთვის რეგისტრაცია იქნება ხელმისაწვდომი. ჯანდაცვის მინისტრის მოადგილის, თამარ გაბუნიას განცხადებით, დღეს საღამოდან Pfizer-ის ვაქცინა აისახება რიგის დაჯავშნის პორტალზე და მოქალაქეებს ექნებათ საშუალება, გააკეთონ არჩევანი AstraZeneca-სა და Pfizer-ს შორის. Pfizer-ით ვაქცინაცის შემდეგაც, პაციენტი ადგილზე 45 წუთის განმავლობაში უნდა გაჩერდეს. ​Pfizer-ის ერთი ფლაკონით მხოლოდ 6 ადამიანის აცრა არის შესაძლებელი, ხოლო AstraZeneca-ს ვაქცინით კი 10 ადამიანის.

"Pfizer-ის ისევე როგორც AstraZeneca-ს ეფექტურობა ძალიან მაღალია, როგორც დაავადების გადაცემის თავიდან აცილების, ისე რთული და განსაკუთრებით ლეტალური შემთხვევების პრაქტიკულად აღმოფხვრის გზით. ამდენად, Pfizer-ის და AstraZeneca ვაქცინის შემთხვევაში რა თქმა უნდა, გარანტირებული ხარისხი გვაქვს“, – განაცხადა გაბუნიამ.