ბათუმში მრავალსართულიან საცხოვრებელ კორპუსში ხანძარი გაჩნდა

ბათუმში, ინასარიძის ქუჩაზე ერთ-ერთ მრავალსართულიან კორპუსში ხანძარია. ცეცხლი საცხოვრებელ ბინაში გაჩნდა.

საგანგებო სიტუაციების მართვის სამსახურის ინფორმაციით, კორპუსიდან მოქალაქეების ევაკუაცია განხორციელდა.

დაშავებულების შესახებ ინფორმაცია ჯერ-ჯერობით არ არის.

ადგილზე სახანძრო-სამაშველო სამსახურის რამდენიმე ბრიგადა იმყოფება. ხანძრის გამომწვევი მიზეზები ამ ეტაპზე უცნობია.

ფოტო: აჭარის ტელევიზია