მასობრივი ვაქცინაციის კამპანია დაგეგმილი გვაქვს მესამე-მეოთხე კვარტალში

მასობრივი ვაქცინაციის კამპანია დაგეგმილი გვაქვს მესამე-მეოთხე კვარტალში - თამარ გაბუნია

საქართველო, თბილისი - 15:43 | 11.03.2021

ნანახია: 630

"მასობრივი ვაქცინაციის კამპანია დაგეგმილი გვაქვს მესამე-მეოთხე კვარტალში", აცხადებს ჯანდაცვის მინისტრის მოადგილე. თამარ გაბუნია ამბობს, რომ მანამდე, პირველი და მეორე კვარტალი იქნება მაქსიმალურად ინტენსიური ვაქცინაცია პირველი პრიორიტეტული ჯგუფების.

როგორც მინისტრის მოადგილე აცხადებს, მეორე კვარტალში სტრატეგიული სერვისების თანამშრომლების აცრა იგეგმება.

"როგორც კი ვაქცინა დაეშვება აეროპორტში და გვექნება დოზები ქალაქში, ყველა სამედიცინო პერსონალი იქნება ინფორმირებული რიგის მიხედვით, თუ როდის და სად უნდა მივიდეს ვაქცინაციისთვის. იქვე, დაიგეგმება მეორე ვიზიტი. ის დოზები, რასაც მივიღებთ მარტის ბოლომდე, საკმარისია იმისთვის, რომ სრულად აიცრას სამედიცინო პერსონალი. 57 ათასი ადამიანია სამედიცინო პერსონალის პირველ, პრიორიტეტულ ჯგუფში. ვფიქრობ, შემდეგ, მალევე გვექნება შესაძლებლობა, მოვიცვათ ის 2 ათასი ადამიანი, რომელიც არის გრძელვადიანი მოვლის დაწესებულებების ბენეფიციარები და სამედიცინო პერსონალი. პირველ ეტაპზე, ამ ორ ჯგუფზე გვაქვს აქცენტი", - განაცხადა თამარ გაბუნიამ.