ასეთ საქმეს ვის ანდობ? ერთი, რომელიც განზრახ იძახის რომ სხვისია ეს მიწა,მეორემ კი სახელმიწფო ენა არ ისწავლა - მეუფე იაკობი დავითგარეჯის საქმეზე

ბოდბელმა ეპისკოპოსმა იაკობ იაკობიშვილმა კარტოგრაფები ივერი მელაშვილი და ნატალია ილიჩოვა არაკომპეტენტურობაში დაადანაშაულა და მათ მიმართ შეურაცხმყოფელი განცხადებები გააკეთაა.

"მე რა დავინახე, გამოვიდა და ვიღაცას უთხრა, აი ხომ მაგარი ტიპი ვარ, ვამბობ რომ ეს ქართველების არ არის და აზერბაიჯანელების მიწაა. როგორ შეიძლება? მანამდე გმირად მიიჩნევდი რის გამო, ციხეში როა დაჭერილი? ციხეში ვის არ იჭერენ?! რომ გამოვიდა და ეს ჩაიდინა, იქნებ შეეშალა, ქართულად ვერ გამოთქვა. საერთოდ საოცარი კომისიაა რა, მეორე წევრია ქალბატონი და სახელმწიფო ენა არ ისწავლა. მარტო რუსული ენით გველაპარაკებოდა და შეიძლება? ასეთ საქმეს ვის ანდობ? ერთი რომელიც განზრახ იძახის რომ სხვისია ეს მიწა. ვინა ხარ, ვინ გეკითხება, წადი დაეტიე სადაც ხარ. არავის უნდა ციხეში იყოს, მაგრამ გარეჯასთან სამივე ხელისუფლება უსუსური იყო და შიდა ერთმანეთის ჭამით რა გამოვა? ჩვენ წესიერად უნდა გადავწყვიტოთ აზერბაიჯანელებთან თორე აქ ვის დაიჭერ და ვის არა, რაზე იჭერ კაცს, გეკითხა და გეუბნება რომ იმისია. მაგის გამო იჭერ? შენ გყავს შეყვანილი კომისიაში". - ამბობს მეუფე იაკობი.

ეპიკოსპოსმა მთავრობა უმოქმედობაში დაადანაშაულა.

"ვის რას აძლევ, ჯერ კარტოგრაფიც არ ხარ, მიწათმომწყობი ხარ, ვინც კარტოგრაფები არიან კარგად იციან და ახლა რუსული რუკით რატომ მიწყვიტავ. ყოველთვის საქართველო იყო და დავილაპარაკებთ აზერბაიჯანი და ჩვენ. ჩვენსავით დოყლაპიები კი არ არიან, თავიანთი მიწების დაბრუნება რომ უნდათ, ხომ ხედავ რასაც შვებიან და შენ ვის რას აძლევ. მართლა, ეკლესიაში რომ ვართ ის ხომ არ გგონია? ჩვენ კაცობაც ვიცით და ყველაფერი. თუ სადმე ომი ყოფილა ყველგან ნაომარი ვარ მე და ჭკვიანად იყვნენ. ამით კი არ ვემუქრები, რა აქვთ გაკეთებული? მოდიან მარტო ფულს შოულობენ. ხელისუფლებაში მოვლენ და ფულის შოვნის გარდა არაფერს შვებიან და ტკბებიან სკამებით. ამიტომ ჩვენ ჩვენი დავიცვათ რა".- ამბობს მეუფე.