ივერი მელაშვილისა და ნატალია ილიჩოვას გირაოს თანხა სრულად შეგროვდა

სამოქალაქო მოძრაობა "სირცხვილიას" ცნობით, ე.წ. კარტოგრაფების საქმეზე ბრალდებულების ივერი მელაშვილისა და ნატალია ილიჩოვას გირაოს თანხა, 40 000 ლარი სრულად შეგროვდა.

"ანგარიშის ნომრის დადებიდან 2 საათში, გირაოს თანხა, 40 000 ლარი სრულად შეგროვდა! მადლობა თავისუფლებისთვის მებრძოლ ყველა ადამიანს!", - წერს "სირცხვილია" სოციალურ ქსელში.

შეგახსენებთ, დღეს, ივერი მელაშვილსა და ნატალია ილიჩოვას მოსამართლე ლელა კალიჩენკომ აღკვეთის ღონისძიების სახით შეფარდებული პატიმრობა 20 000-20 000-ლარიანი გირაოს სანაცვლოდ შეუცვალა.

ამასთან, სასამართლომ დააკმაყოფილა პროკურატურის შუამდგომლობა ივერი მელაშვილის საგარეო საქმეთა სამინისტროში დაკავებული თანამდებობიდან გადაყენების შესახებ.

საქმეზე სისხლის სამართლის საქმე კვლავ გრძელდება.