ანიტა რაჭველიშვილი ამბობს, რომ კორონავირუსი მეორედ დაუდასტურდა

ქართველი საოპერო მომღერალი ანიტა რაჭველიშვილი აცხადებს, რომ კორონავირუსი მეორედ დაუდასტურდა. ამის შესახებ ანიტა რაჭველიშვილი სოციალურ ქსელში წერს.

"ძალიან გაბრაზებული ვარ. დღეს, Covid-19-ის ტესტმა დადებითი შედეგი აჩვენა უკვე მეორედ მას შემდეგ, რაც ეს ჯოჯოხეთი დაიწყო. მეტი აღარ შემიძლია", - წერს რაჭველიშვილი.

კიდევ ერთ პოსტში ანიტა რაჭველიშვილი წერს, რომ საქართველო 15 იანვარს დატოვა, კორონავირუსის ტესტი კი 14, 16 და 18 იანვარს გაიკეთა, რომელმაც სამივე ჯერზე უარყოფი შედეგი აჩვენა. 23 იანვარს კი კორონავირუსისთვის დამახასიათებელი სიმპტომები გამოუვლინდა. მან კორონავირუსი პირველად იტალიაში, 2020 წლის ივლისში გადაიტანა.

ანიტა რაჭველიშვილი წერს, რომ ამჟამად ვენაში იმყოფება, რადგან უახლოეს დღეებში სახელმწიფო ოპერის თეატრში "კარმენის" წარმოდგენაში უნდა მიეღო მონაწილეობა.