ალექსეი ნავალნი შერემეტიოვოს აეროპორტში დააკავეს

საქართველო, თბილისი - 22:14 | 17.01.2021
ნანახია: 634

თვითმფრინავი, რომლის ბორტზეც რუსი ოპოზიციონერი ალექსეი ნავალნი იმყოფებოდა, ვნუკოვოს ნაცვალდ შერემეტიოვოს აეროპორტში დაეშვა.

აეროპორტში ნავალნიმ ჟურნალისტებს უთხრა, რომ ეს მისთვის საუკეთესო დღეა ბოლო ხუთი თვის განმავლობაში. მისი თქმით, ის ბედნიერია რუსეთში დაბრუნებით და სრულებით არ ეშინია დაპატიმრებისა და დევნის.

მან იმედი გამოთქვა რომ არ დააპატიმრებენ, მშვიდობით გაივლის პასპორტ-კონტროლს და სახლში წავა.“არაფრის მეშინია და თქვენც მოგიწოდებთ არაფრის შეგეშინდეთ“, - უთხრა მან ჟურნალისტებს.

ბი ბი სი ცოტა ხნის წინ ავრცელებდა ინფორმაციას, რომ სამართლადამცველებმა  ნავალნის სთხოვეს მათ გაყვეს, თუმცა არ განუმარტეს განზრახული აქვთ თუ არა მისი დაკავება. ასევე ვრეცლდებოდა ინფორმაცია, რომ ნავალნის ადვოკატს არ მისცეს  მასთან მიახლოვების უფლება.

თუმცა, როგორც ბი ბი სი იუწყება,  ამ წუთებში რუსეთის სასჯელაღსრულების ფედერალურმა სამსახურმა გაავრცელა ინფორმაცია, რომ ალექსეი ნავალნი სამართალდამცველებმა დააკავეს.  

ალექსი ნავალნიმ რუსეთში დაბრუნების განზრახვის შესახებ 13 იანვარს განაცხადა.

12 იანვარს რუსეთის სასჯელაღსრულების ფედერალურმა სამსახურმა სასამართლოს ალექსეი ნავალნისთვის პირობითი სასჯელის რეალური განაჩენით შეცვლის მოთხოვნით მიმართა.

ნავალნის პირობითი სასჯელი და გამოსაცდელი ვადა „ივ როშეს“ საქმესთან დაკავშირებით ჰქონდა შეფარდებული.

ალექსეი ნავალნი გასული წლის აგვისტოში მოწამლეს ნერვული აგენტი "ნოვიჩოკით". ის სამკურნალოდ ბერლინში გადაიყვანეს, სადაც ექიმებმა მოახერხეს მისი გადარჩენა. კრემლმა არაერთხელ უარყო რაიმე სახის მონაწილეობა მის მოწამვლაში.

რუსეთის პრეზიდენტმა ვლადიმირ პუტინმა ყოველწლიურ პრესკონფერენციაზე განაცხადა, რომ ოპოზიციონერი პოლიტიკოსი ალექსეი ნავალნი "აშშ-ის სპეცსამსახურების მხარდაჭერით სარგებლობს" და დასძინა, რომ "რუსეთის სპეცსამსახურებს ნავალნის მოკვლა რომ ნდომოდათ, საქმეს ბოლომდე მიიყვანდნენ".

 

 

 


პოლიტიკა



არქივი

მოგვძებნე Facebook-ზე