საქართველო პირველი ქვეყანა იქნება, რომელიც “ჯოგური” იმუნიტეტის მიღწევის შემდეგ "დაასრულებს" პანდემიას - ბიძინა კულუმბეგოვი

საქართველო უდაოდ პირველი ქვეყანა იქნება, რომელიც “ჯოგური” იმუნიტეტის მიღწევის შემდეგ "დაასრულებს" პანდემიას, - ამის შესახებ იმუნოლოგი, ბიძინა კულუმბეგოვი, სოციალურ ქსელში წერს.

მისი აზრით, სასწრაფოდ აუცილებელია ზომების მიღება. მისივე თქმით, კორონავირუსის გავრცელების ასეთი ტემპების შედეგად საქართველოში, შესაძლოა, 15-20 ათასი ადამიანი გარდაიცვალოს.

"ბოლო კვირაში შემთხვევების კუმულაციური რაოდენობით საქართველო მოწინავეთა რიგებშია. ძირითადად სახელმწიფოთა უმრავლესობაში, მართალია ჩვენზე მდიდარ ქვეყნებში, ვიცით უკვე რა ზომებია მიღებული.
აქ როდემდე ველოდებით? პასუხი გვინდა ვიცოდეთ.
იმდენი ვიძახეთ მსოფლიოში ჩვენ ვმართავთ კოვიდს ყველაზე საუკეთესოდო, ერთი რამ ნამდვილად იკვეთება, საქართველო უდაოდ პირველი ქვეყანა იქნება, რომელიც “ჯოგური” იმუნიტეტის მიღწევის შემდეგ "დაასრულებს" პანდემიას. შვედებს უდაოდ შეშურდებათ ჩვენი
შედეგად 15 დან 20 ათასამდე გარდაცვლილ ჩვენს თანამოქალაქეს მივიღებთ!!!" - წერს ბიძინა კულუმბეგოვი.