დავით საგანელიძეს თბილისის მერობას სურს

როგორც „პრაიმნიუსჯორჯიასთვის“ გახდა ცნობილი, საგანელიძემ თბილსის მერის პოსტზე ბიძინა ივანიშვილის თავისი კანდიდატურა უკვე შესთავაზა, თუმცა ბიძინა ივანიშვილს არჩევანი მის სასარგებლოდ არ გაუკეთებია.

კულუარული ინფორმაციით, საგანელიძე კვლავ ცდილობს, თბილისის მერის პოსტზე თავისი კანდიდატურის წარსადგენად ბიძინა ივანიშვილის მხარდაჭერა მოიპოვოს.

„პრაიმნიუსჯორჯიას” ინფორმაციით, თბილისის მერი “ქართუ ჯგუფის” სამეთვალყურეო საბჭოს ყოფილი თავჯდომარე გიორგი (გრიგოლ) ლილუაშვილი დაიკავებს, რომელიც ცოტახნის წინ, თბილისის მერის დავით ნარმანიას პირველი მოადგილე გახდა.  

„დიდი ხანია ნარმანიას შემცვლელის ძებნა მიმდინარეობს და არჩევანი გიორგი ლილუაშვილზე გაკეთდა. პროცედურულად კი ასე მოხდება -  მას შემდეგ, რაც ნარმანია რაიმე მიზეზით საკუთრი სურვილით თანამდებობას დატოვებს, მერის მოვალეობას მისი პირველი მოადგილე, ანუ ლილუაშვილი დაიკავებს. არ არის გამორიცხული თბილისის მერის არჩევნები, საპარლამენტო არჩევნების პარალელურად გაიმართოს. ნარმანიას თანამდებობის დატოვების მიზეზი კი, შესაძლოა, ოცნების ახალი საპარლამენტო სია გახდეს”, - აცხადებს წყარო  „პრაიმნიუსჯორჯიასთან“ საუბარში.