პრეზიდენტი ეროვნული ბანკის საბჭოს წევრის კანდიდატურას პარლამენტში, დაახლოებით ერთ თვეში წარადგენს

საქართველოს პრეზიდენტი ეროვნული ბანკის საბჭოს წევრის კანდიდატურას დაახლოებით ერთ თვეში წარადგენს. ამის შესახებ გიორგი მარგველაშვილმა დღეს გამართულ ბრიფინგზე განაცხადა.
მისი თქმით, ეროვნული ბანკის ირგვლივ მიმდინარეობს ღია და გამჭვირვალე პროცესი. 
"ეროვნული ბანკის ირგვლივ მიმდინარეობს როგორც უკვე ჩვენს მიერ დადგენილია, უაღრესად ღია და გამჭვირვალე პროცესი, რომელშიც უკვე ტრადიციულად აქტიურად არის ჩართული როგორც სამოქალაქო საზოგადოება, ექსპერტები, ასევე ეს პროცესი ფართოდ შუქდება მედიის მიერ. ეს პროცესი დაიწყო რამდენიმე თვის წინ და ახლა კიდევ უფრო ინტენსიურად განახლდება. სავარაუდოდ, ერთი თვის ფარგლებში მოხდება ახალი კანდიდატურის გამოკვეთა და პარლამენტისთვის წარდგენა", - განაცხადა პრეზიდენტმა.