2015 წელს საქართველოს საერთაშორისო მოგზაურთა რეკორდული რაოდენობა ესტუმრა

საქართველო, თბილისი - 15:02 | 06.01.2016

ნანახია: 1782

საერთაშორისო მოგზაურების რაოდენობამ 2015 წლის განმავლობაში 5,897,685 შეადგინა, ზრდა წინა წლის ანალოგიურ პერიოდთან 382,126 მოგზაურით მეტია. (+6.9%)

როგორც ტურიზმის ადმინისტრაციის ხელმღძვანელი გიორგი ჩოგოვაძე აღნიშნავს, რაც შეეხება ტურისტებს, (ანუ იმ მოგზაურებს, რომლებმაც 24 საათი და მეტი გაატარეს ჩვენს ქვეყანამაში) მათი რიცხვი 2,278,562-ია, ზრდა კი 2.2%. ტურისტების წილი მთლიან მოგზაურებში 39%-ია.

2015 წელსაც საქართველოს ყველაზე მეტად მეზობელი ქვეყნებიდათ სტუმრობდნენ, თუმცა პოზიტიური ტენდენცია ნარჩუნდება ევროკავშირის ქვეყნებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-დეკემბერში გამოირჩეოდნენ: იტალია, ლიტვა, ლატვია და გერმანია (შესაბამისად 15%, 13%, 13%, და 10%), შუა აზიის ქვეყნებიდან - ყაზახეთი (29%), აღმოსავლეთ ევროპის ქვეყნებიდან - ბელორუსი (51%), ახლო აღმოსავლეთიდან - ისრაელი (40%), ხოლო აზიის ქვეყნებიდან - არაბთა გაერთიანებული საემიროები - 675% და საუდის არაბეთი - 80%-იანი მატებით. აღსანიშნავია ამერიკის შეერთებული შტატების მოქალაქეების 10%-იანი ზრდა.

ტოპ 10 ქვეყანა

	ქვეყანა	2014	2015	ცვლილება	ცვლილება %
1	სომხეთი	1,325,635	1,467,454	141,819	11%
2	აზერბაიჯანი	1,283,214	1,392,993	109,779	9%
3	თურქეთი	1,442,695	1,391,379	-51,316	-4%
4	რუსეთი	811,621	925,061	113,440	14%
5	უკრაინა	143,521	141,656	-1,865	-1%
6	ისრაელი	42,385	59,480	17,095	40%
7	პოლონეთი	46,314	43,435	-2,879	-6%
8	გერმანია	33,446	36,820	3,374	10%
9	ყაზახეთი	28,394	36,758	8,364	29%
10	აშშ	28,272	31,143	2,871	10%

ტურიზმის ეროვნული ადმინისტრაციის ინფორმაციით, ზრდა არის შემოსავლების კუთხითაც. საერთაშორისო ტურიზმიდან 2015 წლის მესამე კვარტალში შემოსავალმა 742 მლნ. აშშ დოლარი შეადგინა, მაშინ როცა 2014 წლის მესამე კვარტალში 650 მლნ. აშშ დოლარი იყო. ზრდა წინა წლის მესამე კვარტალთან 14.2%-ს შეადგენს.

სამი კვარტლის ჯამში შემოსავლები საერთაშორისო ტურიზმიდან 1,5 მილიარდ აშშ დოლარს შეადგენს. 2014 წელს კი იგივე მაჩვენებელი 1,4 მილიარდს შეადგენდა. ზრდა წინა წელთან შედარებით 8,1%-ით მეტია.

ტურიზმის წილი სერვისის ექსპორტში შეადგენს 62,2%-ს.

„2015 წელს საქართველოში საერთაშორისო მოგზაურთა უპრეცედენტოდ რეკორდული რაოდენობა დაფიქსირდა, რომელთა რაოდენობამ 5 მილიონ 900 ათასს მიაღწია, რაც 7 პროცენტიან ზრდას გულისხმობს. დაახლოებით 382 ათასი ადამიანით მეტი ტურისტი შემოვიდა საქართველოში. ჩვენ ყველაფერს გავაკეთებთ , რომ 2016 წელსაც ტურისტების რაოდენობა დინამიურად გავზარდოთ, რადგან ეს გულისხმობს მეტ დასაქმებას, მეტ შემოსავალს ქვეყნის ეკონომიკაში. საერთაშორისო მოგზაურთა ზრდა ერთიანი გუნდის მუშაობის შედეგია და ამისთვის მინდა მადლობა გადავუხადო ტურიზმის ეროვნული ადმინისტრაციის თანამშრომლებს, ასევე განსაკუთრებული მადლობა საქართველოს პრემიერ-მინისტრს ბატონ გიორგი კვირიკაშვილს და საქართველოს ეკონომიკის მინისტრს ბატონ დიმიტრი ქუმსიშვილს, ვისი მხარდაჭერისა და დამხარების გარეშე შეუძლებელი იქნებოდა ამ შედეგების მიღწევა. “-განაცხადა გიორგი ჩოგოვაძემ.