კალაძემ, გადაგაგდეთ, მაგრამ მერე რაო - გიგა ბოკერია

„ევროპული საქართველოს“ ერთ-ერთი ლიდერი, დეპუტატი გიგა ბოკერია „ქართული ოცნების“ გენერალური მდივნის, კახა კალაძის დღევანდელ განცხადებას ეხმიანება და ამბობს, რომ პროტესტი უფრო გამწვავდება და ივანიშვილის რეჟიმის მარცხით დასრულდება

„ვუსმინე ახლა კალაძის, ივანიშვილის ორდენის გამორჩეული რაინდის გამოსვლას. გადაგაგდეთ, მაგრამ მერე რაო. თან იმეორებენ, არც ერთ არჩევნებში არ გვეშინია არაფრისო, თან ამბობენ, რომ აი, დავითვალეთ, ვაგებდით და ამიტომ აღარ მივიღეთ პროპორციულიო. ეს ბრაზის ლეგიტიმურობა არსად გაქრება, გადაიზრდება უფრო მწვავე პროტესტში და ახლო მომავალში დასრულდება ივანიშვილის რეჟიმის მარცხით“, – აღნიშნა გიგა ბოკერიამ.

კახა კალაძემ დღეს გამართულ ბრიფინგზე განაცხადა,, რომ მმართველი გუნდი აღარ აპირებს საარჩევნო სისტემაზე ახალი ინიციატივის განხილვას და ოპოზიციურ ძალებს მოუწოდა, მოემზადონ არჩევნებისთვის.