პენსი და პომპეო ტრამპის შესახებ ანონიმური წერილის ავტორობას უარყოფენ

აშშ-ის სახელმწიფო მინისტრმა მაიკ პომპეომ და ვიცე-პრეზიდენტმა მაიკ პენსმა პრეზიდენტ დონალდ ტრამპისა და მის თანამშრომლებს შორის დაპირისპირების შესახებ ანონიმური სტატიის ავტორობა უარყვეს. სტატია გაზეთ The New York Times-ში გამოქვეყნდა.

მანამდე ტელეარხმა CNN-მა გამოაქვეყნა 13-კაციანი სია, რომლებიც ტრამპის შესახებ სტატიის პოტენციურ ავტორებად მოიაზრებოდნენ. მათ შორის იყვნენ პენსი და პომპეო.

პენსის კანცელარიაში ტელეარხ NBC-ის განუცხადეს, რომ კატეგორიულად უარყოფენ იმას, რომ პენსი ანონიმური სტატიის უკან დგას.

 „ვიცე პრეზიდენტი თავის ანალიტიკური სტატიების ქვეშ თავის გვარს აწერს. New York Times-ს უნდა შერცხვეს, ისევე, როგორც იმ ადამიანს, რომელმაც ეს ცრუ , არალოგიკური და ლაჩრული სტატია დაწერა. ჩვენი კანცელარია ამ დილეტანტურ ქმედებებზე მაღლა დგას“, - დაწერა ტვიტერში აშშ-ის კომუნიკაციების ვიცე-პრეზიდენტმა ჯეროდ ეიგენმა.

სახელმწიფო მინისტრი მაიკ პომპეო ამ დროისათვის ინდოეთში იმყოფება. ნიუ-დელიში გამოსვლის დროს მან ანონიმურ წერილზე კომენტარი გააკეთა და განაცხადა, რომ ის მასალის ავტორი არ არის.

ტრამპის ადმინისტრაციის თანამშრომელმა, რომელმაც უცნობად დარჩენა არჩია, The New York Times-ში სტატია გამოაქვეყნა, სადაც აშშ-ის პრეზიდენტისა და მისი ადმინისტრაციის წარმომადგენლებს შორის „ჩუმ წინააღმდეგობაზე“ საუბრობდა.