იაპონელი ასტრონავტი კოსმოსში 9 სანტიმეტრით გამაღლდა

იაპონელი ასტრონავტი ნორიშიგე კანაი აცხადებს, რომ საერთაშორისო კოსმოსურ სადგურზე სამკვირიანი ყოფნის დროს ცხრა სანტიმეტრით გამაღლდა. მან ამის შესახებ Twitter-ში დაწერა.

„დღეს მე მაქვს კრიტიკულად საჭირო ინფორმაცია! გავიარე სამედიცინო გამოკვლევა ფიზიკური პარამეტრების შემოწმებასთან დაკავშირებით და აღმოჩნდა, რომ ჩემი სიმაღლე 9 სანტიმეტრით გაიზარდა. აი, ასე გავიწელე სამ კვირაში“, - წერს ის.

ასტრონავტმა აღნიშნა, რომ სიმაღლეში სკოლის პერიოდიდან არ მომატებულა და დასძინა, რომ ახლა იმის გამო ღელავს, მოთავსდება თუ არა ხომალდ „სოიუზის“ სავარძელში.

ჩვეულებისამებრ გრავიტაციის არარსებობის გამო ასტრონავტები კოსმოსში 1-2 სანტიმეტრით მაღლდებიან.