Zara-ს მაღაზიების მომხმარებლებმა ტანსაცმელზე უჩვეულო წარწერები აღმოაჩინეს

სტამბოლში ესპანური ქსელის Zara-ს მაღაზიების მომხმარებლებმა ტანსაცმელზე აღმოაჩინეს უჩვეულო იარლიყები, რომლებზეც ეწერა: „ნივთი, რომლის ყიდვასაც აპირებთ, ჩემი დამზადებულია, მაგრამ ფული არ გადამიხადეს!“

იარლიყები დატოვეს ადგილობრივი კომპანია Bravo Tekstil-ის თანამშრომლებმა, რომელიც  Zara-ს, Next-ისა და и Mango-სთვის ტანსაცმელს უშვებს.

ეს ფირმა მოულოდნელად 2016 წლის ივლისში გაკოტრდა. მისი თანამშრომელბი კი ამტკიცებენ, რომ არ გადაუხადეს იმ სამუშაოსთვის, რომელიც გაკოტრებამდე შეასრულეს.

დღეს ისინი Zara-ს ხელმძღვანელობას დავალიანების კომპენსირებას სთხოვენ.

Zara-ს მფლობელმა ესპანურმა ჯგუფმა Inditex-მა განაცხადა, რომ Bravo Tekstil-ს ფული გადაუხადა, მაგრამ თანხა თანამშრომლებამდე არ მივიდა.

ესპანური ჰოლდინგი Inditex-ი ტანსაცმლის ერთ-ერთი მსხვილი მწარმოებელია, მას ეკუთვნის 7 400-ზე მეტი მაღაზია, სადაც დაახლოებით 162 ათასი ადამიანია დასაქმებული.

Zarа-ს ბრენდი კრიტიკის ქარცეცხლში ადრეც მოექცა, მას წარმოებაში მონურ და ბავშვთა შრომის გამოყენებაში ადნაშაულებდნენ, ასევე სირიელი ლტოლვილების ექსპლუატაციაში.

Inditex-ის ხელმძღვანელობამ ამ ბრალდებების გადახედვისა და შრომის პირობების ზედამხედველობის პირობა დადო.