ტერორისტები თავს სატვირთო ავტომობილების კოლონას დაესხნენ

 სინაის ნახევარკუნძულზე ტერორისტები თავს დაესხნენ სატვირთო ავტომობილების კოლონას, აიყვანეს ხუთი მძღოლი და მოკლეს.
გავრცელებული ინფორმაციით, ტერორისტებმა ავტომაგისტრალზე  საბურავებისგან ბარიკადები აღმართეს და ხუთი სატვირთო ავტომანქანა გააჩერეს. მათ მძღოლები იარაღის მუქარით გზაზე გადმოიყვანეს, მათი ვტომობილები კი დაწვეს.  მღძოლები წინააღმდეგობის გაწევას შეეცადნენ, მაგრამ თავდამსხმელებმა ხუთივე ცეცხლსასროლი იარაღით მოკლეს.

ეგვიპტე უკვე ორ წელზე მეტია ანტიტერორისტულ ოპერაციას აწარმოებს სინაის ნახევარკუნძულზე, სადაც ძნელადმისადგომ ადგილებში ექსტრემისტული დაჯგუფებები გაჩნდა.

ტერორისტების მოქმედებების შედეგად ასობით პოლიციელი და სამხედრო მოსამსახურე დაიღუპა.