დაკარგულმა ალპინისტმა კლდის ნაპრალში ხუთი დღე გაატარა და გადარჩა

გერმანელმა ალპინისტმა ავსტრიაში კლდის 30 მეტრის სიღრმის ნაპრალში ხუთი დღე გაატარა და ცოცხალი გადარჩა. ამის შესახებ ტაბლოიდი Bild-ი იუწყება.

როგორც გამოცემა წერს, 45 წლის მამაკაცმა შვილს შეატყობინა, რომ ლაშქრობაში მიდიოდა, თუმცა წასვლიდან სამი დღის შემდეგ ის აღარვის დაკავშირებია.

გერმანიის პოლიციამ უგზოუკვლოდ დაკარგული მამაკაცის ძებნა დაიწყო. მათ მომხდარის შესახებ ავსტრიელ კოლეგებსაც აცნობეს. რამდენიმე ხნის შემდეგ გოზაუს ტბასთან თოვლით დაფარული მანქანა იპოვეს.

მამაკაცმა მეხუთე დღეს მაშველებთან დაკავშირება შეძლო და აცნობა, რომ ოთხით დღით ადრე 30 მეტრის სიღრმის ნაპრალში ჩავარდა. მეხუთე დღეს დაკარგულს მიაგნეს და საავადმყოფოში გადაიყვანეს.