უკრაინამ შესაძლოა რუსეთთან დიპლომატიური ურთიერთობა გაწყვიტოს

უკრაინის უმაღლესი რადას დეპუტატმა მმართველი „პეტრო პოროშენკოს ბლოკიდან“ ივან ვინიკმა კანონში „დონბასის რეინტეგრაციის“ შესახებ ცვლილება შეიტანა, რომელიც უკრაინისა და რუსეთის დიპლომატიური ურთიერთობის გაწყვეტას მოიაზრებს. ამის შესახებ გამოცემა „კომერსანტი“ იუწყება.

როგორც გაზეთის წყარო ამბობს, დეპუტატების უმეტესობა „დონბასის რეინტეგრაციის“ შესახებ კანონს მხარს დაუჭერს. მისი განხილვა 16 ნოემბერს გაიმართება.

კანონი ძალაში პრეზიდენტ პოროშენკოს შესაბამისი განკარგულებით შევა, რის შემდეგაც უკრაინაში დიპლომატიური დაწესებულებები და რუსეთში  - უკრაინული, დაიხურება.

გაზეთის ინფორმაციით, კანონის მიღების შემთხვევაში რუსეთში უკრაინის ინტერესებს ბელარუსი ან შვეიცარია დაიცავს.