ტრამპის ადმინისტრაციის მაღალჩინოსნებს პუტინის გარემოცვასთან კავშირში ადანაშაულებენ

დონალდ ტრამპის ადმინისტრაციის მაღალჩინოსანს ბიზნეს -კავშირები ვლადიმერ პუტინის იმ გარემოცვასთან აქვს, რომლსაც ამერიკული სანქციები ეხება. ამის შესახებ ჟურნალისტური გამოძიების საერთაშორისო კონსორციუმის მიერ გამოქვეყნებული ახალი დოკუმენტებით  გახდა ცნობილი.

დოკუმენტების მიხედვით, რომელსაც “სამოთხის დოსიე” უწოდეს, შეერთებული შტატების ვაჭრობის მინისტრს, უილბურ როსს, ბიზნეს-ინტერესი აქვს ოფშორში რეგისტრირებულ კომპანია “ნავიგატორ-ჰოლდინგში“. კომპანია კონტრაქტით არის დაკავშირებული რუსულ ენერგეტიკულ კომპანია “სიბურთან”, რომლის ერთ-ერთი აქციონერი პუტინის სიძეა.

ოფშორულ გარიგებებში მონაწილეობენ აშშ-ის პრეზიდენტ დონალდ ტრამპის მრჩევლები, მინისტრთა კაბინეტის წევრები და დონორები, კანადის პრემიერ-მინისტრის მთავარი მრჩეველი და ა.შ.

მასალებში ასევე საუბარია, რომ  Twitter- მა და Facebook- მა ასობით მილიონი დოლარი მიიღეს ინვესტიციების სახით, რომლებიც შეიძლება უკავშირდებოდეს რუსეთის სახელმწიფო ფინანსურ ინსტიტუტებს.

Paradise Papers-ში ნახსენებია ამერიკელი პოპ-ვარსკვლავი მადონა,  პოლ დევიდ ჰიუსონი  - ბონო და ა.შ.

აღსანიშნავია, რომ ინფორმაცია თავდაპირველად გერმანულმა გაზეთმა, Süddeutsche Zeitung-მა მოიპოვა და ICJI-სგადასცა. საგამოძიებო პროცესებში ასევე მონაწილეობდა Guardian-ი.

Paradise Papers-ის მასალების დარჩენილი ნაწილი კვირის განმავლობაში გასაჯაროვდება.