მამაკაცმა ცოლი და 5 შვილი დაწვა

დედა და ხუთი ბავშვი დაიღუპა იაპონიაში საცხოვრებელ სახლში გაჩენილი ხანძრის შედეგად. ამის შესახებ ადგილობრივი ტელეარხი TBS-ი იუწყება.

ტრაგიკული შემთხვევა იბარაქის პრეფექტურის ქალაქ ჰიტათიში მოხდა.

ტელეარხის ცნობით, ორმოც წლამდე მამაკაცი პოლიციაში მივიდა და განაცხადა, რომ ბავშვების მამა იყო და სახლში ხანძარი მან გააჩინა.

 „სახლში ხანძარი მე გავაჩინე“, - აღიარა მან.

პოლიციისა და მეხანძრეების თქმით, ხანძარი გამთენიისას, სახლის პირველ სართულზე გაჩნდა.

ბავშვები 3-დან 11 წლამდე ასაკის არიან.

ტელეარხის ცნობით, ცეცხლი სწრაფად ჩააქრეს. ადგილზე კი ხუთი ადამიანის ცხედარი აღმოაჩინეს. 11 წლის გოგონა ძლიერი დამწვრობით საავადმყოფოში გადაიყვანეს, თუმცა მისი გადარჩენა ვერ მოხერხდა.