ზღვაში ჟურნალისტის თავმოჭრილი ცხედარი აღმოაჩინეს - რა ვიდეოჩანაწერი იპოვა პოლიციამ

დანიელ გამომგონებელს, წყალქვეშა ნავის Nautilus-ის შემქმნელს პეტერ მადსენს, აღმოუჩინეს ვიდეოჩანაწრები, რომელშიც ქალების თავმოჭრილი ცხედრები ჩანს. მადსენი შვედი ჟურნალისტის მკვლელობაშია ეჭვმიტანილი.

პროკურორის განცხადებით, მადსენის სახელოსნოში ნაპოვნ ვიდეოჩანაწერებში წამების სცენებია აღბეჭდილი.

მადსენი უარყოფს, რომ სისასტიკის ამსახველი ჩანაწერები მას არ ეკუთვნის. მისი თქმით, სახელოსნოში ბევრი ადამიანი შედიოდა, ამის გარდა იქ ცხოვრობდა ერთი სტაჟიორიც.

დანიელმა გამომგონებელმა და შვედმა ჟურნალისტმა კიმ ვალიმ ზღვაში 10 აგვისტოს შეცურეს. უცნობი მიზეზებით ის კოპენჰაგენთან ახლოს ჩაიძირა.

ბორტზე მხოლოდ მადსენი იპოვეს, ჟურნალისტის ცხედარი კი 11 დღის შემდეგ ზღვაში აღმოაჩინეს, მას თავი ჰქონდა მოჭრილი. ხომალდზე პოლიციამ ვალის სისხლის კვალს მიაგნო.

მადსენი ამტკიცებს, რომ ქალი უბედური შემთხვევის შედეგად დაიღუპა. მისი თქმით, ჟურნალისტს თავში 70-კგ-იანი ლუქი დაეცა, თავად კი პანიკაში ჩავარდა და ცხედარი ზღვაში გადააგდო. ბრალდების მტკიცებით, ინჟინერმა ჟურნალისტი მოკლა, შემდეგ კი მისი ცხედარი დაანაწევრა.