ესპანეთში რეფერენდუმის მომზადებასთან კავშირისთვის 12 კატალონიელი საჯარო მოხელე დააკავეს

ესპანეთის სამოქალაქო გვარდიამ დააკავა 12 ადამიანი, რომლებიც კატალონიის დამოუკიდებლობის რეფერნდუმის მომზადებასთან იყვნენ კავშირში.

დაპატიმრებულთა შორის არიან ტელეკომუნიკაციისა და საინფორმაციო ტექნოლოგიების ცენტრის, სოციალური საკითხების სამმართველოს,  ასევე ფინანსების, ეკონომიკა და საგარეო საქმეთა უწყებების თანამშრომლები.
პარტია Podemos-ის კატალონიის განყოფილების ხელმძღვანელმა ქსავიერ დომენიკმა საზოგადოებას კატალონიელების უფლებებისა და სუვერენიტეტის დაცვისათვის ძალების მობილიზებისკენ მოუწოდა.  

მისი თქმით, ეს დაკავებები ყველა საზღვრებს გადავიდა.
კატალონიის ხელისუფლება დამოუკიდებლობის შესახებ რეფრენდუმის გამართვას 1 ოქტომბერს აპირებს. რეფრენდუმს ესპანეთის მთავრობა არ აღიარებს.

ესპანეთის სასამართლომ ხმის მიცემის ყველა დოკუმენტის მოქმედება შეაჩერა. ამიტომ კატალონიის ხელისუფლების ყველა მომდევნო ქმედება რეფერნდუმის მომზადებასთან დაკავშირებით უკანონოდ ჩაითვლება.