უკრაინაში მანამდე დავრჩები, სანამ არ გავიმარჯვებთ - სააკაშვილი

უკრაინაში მანამდე დავრჩები, სანამ უკრაინელი ხალხის ბრძოლა გამარჯვებით არ დასრულდება. ამის შესახებ კიევში პრეზიდენტის ადმინისტრაციასთან გამართულ მიტინგზე ოდესის ყოფილმა გუბერნატორმა განაცხადა.

„მე ჩემს სახლში ვარ. უკრაინა ისევეა ჩემი სახლი, როგორც საქართველო. აქ იმდენ ხანს ვიცხოვრებ, სანამ უკრაინელი ხალხი არ გაიმარჯვებს,“-განაცხადა სააკაშვილმა.

სააკაშვილი მოითხოვს გადაეცეს ის დოკუმენტები, რომელთა საფუძველზეც ქვეყნის პრეზიდენტმა პეტრო პოროშენკომ მას უკრაინის მოქალაქეობა ჩამოართვა. 
„წარმოიდგინეთ, რომ მიდიხართ შვებულებაში და სანამ შვებულებაში იმყოფებით, სამსახურიდან გითხოვენ, თქვენ ჩამოდიხართ და ითხოვთ თქვენი შრომის წიგნაკი მოგცენ, მაგრამ ყოფილი დამსაქმებელი გპასუხობთ, რომ აქ აღარ მუშაობთ და არანაირ შრომის წიგნაკს არ მიიღებთ - ზუსტად ასე მომექცნენ მეც, მაგრამ უკრაინელმა ხალხმა სხვა გადაწყვეტილება მიიღო, - განაცხადა სააკაშვილმა.