ბარაკ ობამას ფოტო გეი-ჟურნალის ყდაზე დაიბეჭდა

აშშ-ის პრეზიდენტი ბარაკ ობამა პირველი მოქმედი პრეზიდენტი გახდა, რომლის ფოტოსურათიც სექსუალური უმცირსეობების ჟურნალის ყდაზე დაიბეჭდა. მისი პორტრეტი გამოქვეყნდა ჟურნალ OUT-ში, რომელიც ჰომოსექსუალების მოდასა და სტილზე წერს.

როგორც The Washington Times-ი აღნიშნავს, ობამას ფოტოს გაკეთებული აქვს წარწერები: ”ჩვენი პრეზიდენტი” და ”მოკავშირე. გმირი. ხატი”.

გამოცემასთან მიცემულ ინტერვიუში ობამამ განაცხადა, რომ ის პრეზიდენტი იმისთვის გახდა, რათა დაპირებები შეესრულებინა. მისი თქმით, ყველა ადამიანი თანასწორია, და მისი ორიენტაციის მიუხედავად, არავინ უნდა მოწყდეს ამერიკულ ოცნებას. ობამამ აღნიშნა, რომ არატრადიციული სექსუალური ორიენტაციის წარმომადგენლები ყველგან არიან და ადამიანის უფლებების დაცვა უნივერსალური ფასეულობაა.

როგორც ცნობილია, 26 ივნისს აშშ-მა ქვეყნის მთელს ტერიტორიაზე ერთსქესიანთა ქორწინება დააკანონა.