რუსი ჟურნალისტი უკრაინამ დაადეპორტა

რუსეთის პირველი არხის ჟურნალისტი ანა კურბატოვა რუსეთში იქნება დეპორტირებული. ამის შესახებ უკრაინის უშიშროების სამსახურის პრესმდივანმა ელენა გიტლიანსკაიამ განაცხადა. 

„უკრაინა სამართლებრივი სახელმწიფოა და სამართალდამცველი ორგანოები კანონმდებლობის ფარგლებში მოქმედებენ. ამჟამად მიმდინარეობს საჭირო დოკუმენტების გაფორმება ჟურნალისტის ოფიციალური გაძევებისთვის. ასე დაემართება ნებისმიერს, ვინც თავს უფლებას მისცემს, უკრაინა დაამციროს“, - აღნიშნა უკრაინის გიტლიანსკაიამ.

რამდენიმე საათის წინ რუსეთის პირველმა არხმა ინფორმაცია გაავრცელა იმის შესახებ, რომ კურბატოვა კიევში გაიტაცეს, თუმცა როგორც მოგვიანებით გაირკვა, ის უშიშროების სამსახურს ჰყავს დაკავებული. მანამდე უკრაინულმა პორტალმა „მიროტვორეცმა“ კურბატოვა დამოუკიდებლობის დღის აღლუმის ტენდენციურ გაშუქებაში დაადანაშაულა.