ბარაკ ობამა Facebook -ს შეუერთდა

აშშ-ის პრეზიდენტი ბარაკ ობამა Facebook -სივრცეს შეუერთდა. ამერიკის ლიდერმა ამის შესახებ სოციალური ქსელის ახალ გვერდზე დაწერა და მომხმარებლებს აქტუალური თემების განხილვისა და მის სტატუსებზე კომენტარების გაკეთებისკენ მოუწოდა.

”გამარჯობა Facebook-ო! ბოლოსდაბოლოს შევქმენი საკუთარი გვერდი. ვიმედოვნებ, მას იმ ადგილად მიიჩნევთ, სადაც შეგვეძლება რეალურად ვისაუბროთ მნიშვნელოვან საკითხებზე, რომელიც ჩვენი ქვეყნის წინაშე დგას”, - წერს ობამა.

პრეზიდენტმა გარემოს დაცვის შესახებაც ისაუბრა და აღნიშნა, რომ აუცილებელია ”პალენტა შვილებსა და შვილიშვილებს შევუნახოთ”. ამერიკის ლიდერმა Facebook-მომხმარებლებს თავისი გეგმებიც გაანდო და დაწერა, რომ მომავალ კვირას საფრანგეთში მიემგზავრება, სადაც მსოფლიო ლიდერებთან ერთად ეკოლოგიურ პრობლემებს განიხილავს.

Facebook-ის შემქმნელი მარკ ცუკერბერგი პრეზიდენტს პირადად მიესალმა და მის სტატუსს კომენტარიც გაუკეთა. ”კეთილი იყოს თქვენი მობრძანება, პრეზიდენტო, ობამა! მოხარული ვარ, რომ შემოურთდით ჩვენს საზოგადოებას და მოუთმელნლად ველი როდის დაიწყება თქვენი ურთიერთობა ხალხთან აქ, Facebook-ში”, - წერს ცუკერბერგი თავის კომენტარში.