ძლიერი ხანძარი იტალიაში - არის მსხვერპლი

იტალიის სამხრეთით საგანგებო ვითარებაა, სადაც უკვე რამდენიმე დღეა ტყის მასივებში ძლიერი ხანძარი მძვინვარებს.  

სტიქიას სკალაბრიაში ორი ადამიანი ემსხვერპლა.

სახანძრო სამსახურის მონაცემებით, აპენინებზე ტყეში ხანძრის ჩასაქრობად 14 სპეციალური თვითმფრინავი და 21 ვერტმფრენი მონაწილეობს. კიდევ სამი თვითმფრინავი საფრანგეთმა გაგზავნა.

ხანძარმა თითქმის მთელი სამხრეთ ოლქები მოიცვა. სიცილიაში ამჟამად უმძიმესი მდგომარეობაა. ძლიერი ცეცხლის კერები დაფიქსირდა სიცილიის რვა პროვინციაში, სადაც გასული დღე-ღამის განმავლობაში მეხანძრეები 260-ჯერ გავიდნენ ალმოდებულ ადგილებში.

 სტიიქის ზონიდან  ასობით ადგილობრივი მცხოვრები და ტურისტია გაყვანილი. ამგვარი ვითარება გამოწვეულია ძლიერი სიცხის გამო, რომელიც აპენინის ნახევრაკუნძულზე თითქმის ზაფხულის დასაწყისიდან ფიქსირდება. კლიმატოლოგები აღნიშნავენ, რომ ასეთი ზაფხული ბოლო 200 წლის განმავლობაში პირველად დაფიქსირდა.