ხარების რბოლის დროს 6 ადამიანი დაშავდა

საქართველო, თბილისი - 12:24 | 13.07.2017

ნანახია: 1309

ექვსი ადამიანი დაშავდა ხარების რბოლის დროს ესპანეთის ქალაქ პამპლონაში. დაშავებულები საავადმყოფოში არიან გადაყვანილნი.
პამპლონაში წმინდა ფერმინის დღესასწაული 6 ივლისს დაიწყო და 14 ივლისამდე გასტანს. ყველაზე პოპულარული ღონისძიება ქუჩებში ხარების რბოლაა, რომლის სანახავადაც ესპანეთის სხვადასხვა კუთხიდან და მთელი მსოფლიოდან მილიონამდე ტურისტი ჩადის.

გარბენის სიგრძე 875 მეტრს შეადგენს, თუმცა ყოველ ჯერზე ის სხვადასხვა ინციდენტით მთავრდება. მონაწილეების უმეტესობა რქებისგან მიყენებულ ტრავმებს იღებს.

ხშირად უცხოელი ტურისტები ზარალდებიან, რომლებსაც მსგავს ღონისძიებაში მონაწილეობის გამოცდილება არ აქვთ. ხანდახან ტრავმები სასიკვდილოცაა.

1910 წლიდან დღემდე 16 ადამიანია დაღუპული. ბოლო შემთხვევა 2009 წელს მოხდა.

პამპლონას მცხოვრებლები წმინდა ფერმინის დღესასწაულს უკვე მერვე საუკუნეა აღნიშნავენ.

ქალაქი მთელს მსოფლიოში ცნობილი ერნესტ ჰემინგუეის რომანის „აღმოხდების მზე“ გამოქვეყნების შემდეგ გახდა. თავად მწერალი პირველად ამ დღესასწაულს 1923 წელს დაესწრო და 1959 წლამდე რეგულარულად ესწრებოდა.