დედამ სამედიცინო ბარათში ბავშვის სქესის მითითებაზე უარი განაცხადა

კანადაში რვა თვის ბავშვს სამედიცინო ბარათი გადასცეს, რომლითაც ის უფასო სამედიცინო დახმარებას მიიღებს. საინტერესო ის არის, რომ ბარათში ბავშვის სქესი მითითებული არ არის.

ბავშვის დედა კორი დოტი თავის თავს არაბინარულ ტრანსგენდერს უწოდებს, რომელიც თავს არც ქალად და არც მამაკაცად მიიჩნევს.

დედას სურს, რომ როდესაც მისი შვილი გაიზრდება, თავად აირჩიოს თავისი გენდერული იდენტიფიკაცია.

სამედიცინო ბარათში სქესის გრაფაში მხოლოდ ლათინუტრი ასო - U წერია, რომელიც ან „გაურკვეველს“ ნიშნავს, ან „დაუდგენელს“.

კორი დოტი ასევე აპირებს ბრძოლას, იმისათვის, რომ ბავშვის სქესი არც დაბადების მოწმობაში არ იყოს მითითებული.