ერაყის არმიამ მოსულის ცენტრიდან „ისლამური სახელმწიფოს“ მებრძოლები განდევნა

ერაყის სამთავრობო ძალებმა „ისლამური სახელმწიფოს“ მებრძოლები მოსულის ცენტრიდან განდევენს, სადაც რადიკალების მიერ განადგურებული მთავარი მეჩეთი მდებარეობდა.

გასულ კვირას ტერორისტებმა მოსულის მთავარი მეჩეთი ან-ნური დაანგრიეს, რომლის მიმართულებითაც სამხედროები მოძრაობდნენ. ამ მეჩეთიდან 2014 წლის ივლისში „ისლამური სახელმწიფოს“ მეთაურმა აბუ ბაქრ ალ-ბაღდადიმ დაპყრობილ ტერიტორიებზე „ხალიფატი“, თავის თავი კი მის ხელისუფლად გამოაცხადა.  

 ერაყის პრემიერ-მინისტრის ჰაიდერ ალ-აბადის თქმით, მეჩეთის აფეთქება „ისლამური სახელმწიფოს“ მხრიდან დამარცხების აღიარებას ნიშნავდა.