პოროშენკოსთან მარგველაშვილი სააკაშვილის ექსტრადაციის საკითხის წამოწევას არ გეგმავს -მიშველაძე

პრეზიდენტის პრესსპიკერის, ეკა მიშველაძის განცხადებით, პეტრო პოროშენკოს ვიზიტისას გიორგი მარგველაშვილი მიხეილ სააკაშვილის ექსტრადაციის საკითხის წამოწევას არ გეგმავს.

მიშველაძის თქმით, ეს თემა წინასწარი დღის წესრიგით არ არის გათვალისწინებული. 

"უკრაინის პრეზიდენტის ვიზიტი ძალიან მნიშვნელოვანია, სადაც განიხილება ორი ქვეყნისთვის უმნიშვნელოვანესი საკითხები. ეს თემა წინასწარ დღის წესრიგში არ არის გათვალისწინებული და თავად მარგველაშვილი ამ თემის წამოწევას არ გეგმავს,"-განაცხადა მიშველაძემ.

ცნობისთვის,  უკრაინის პრეზიდენტის ვიზიტი  ივლისის მეორე ნახევრისთვის იგეგმება.