აფეთქება კიევში - დაიღუპა სამხედრო (ვიდეო)

კიევში ავტომობილის აფეთქებისას მოქმედი სამხედრო დაიღუპა. საქმე „ტერაქტის“ მუხლით აღიძრა. ამის შესახებ უკრაინის შსს-ს პრეს-მდივანმა არტემ შევჩენკომ განაცხადა.

მისი თქმით, აფეთქების შედეგად დაშავდა ხანდაზმული მამაკაცი და ქალი, რომელთა სიცოცხელსაც საფრთხე არ ემუქრება.

აფეთქების მომენტი ვიდეოკამერამ დააფიქსირა. ჩანაწერში ჩანს, რომ აფეთქება მანქანის მოძრაობისას მოხდა. ავტომობილის ნამსხვრევები მთელს გზაზე მიმოიფანტა.

შემთხვევის ადგილზე მუშაობენ კრიმინალისტები, ექიმები და მაშველები.