ბრეივიკი სტრასბურგის სასამართლოში ნორვეგიას უჩივლებს

ნორვეგიელი ტერორისტი ანდრეს ბრეივიკი აპირებს მიმართოს ევროპის ადამიანის უფლებათა სასამართლოს მას შემდეგ, რაც ნორვეგიის უმაღლესმა სასამართლომ სახელმწიფოს წინააღმდეგ მისი საჩივრის განხილავზე უარი უთხრა.  

ნორვეგიის უმაღლესმა სასამართლომ უარი თქვა ბრეივიკის საჩივრის განხილვაზე და ძალაში დატოვა სააპელაციო სასამართლოს გადაწყვეტილება, რომლის მიხედვით ციხეში ტერორისტის უფლებების დარღვევის ნიშნები არ აღმოჩენილა.

გასულ წელს ოსლოს რაიონულმა სასამართლომ ბრეივიკის უფლებების ნაწილობრივი დარღვევა აღიარა. კერძოდ, ევროპის კონვენციის მესამე მუხლის, რომლის თანახმად არავინ  უნდა დაექვემდებაროს წამებას ან არაადამიანურ, ღირსებითვის დამამცირებელ მოპყრობას ან სასჯელს.

ოსლოს სასამართლომ აღიარა ბრეივიკის ხანგრძლივი დროით (23 საათამდე) იზოლაცია სხვა პატიმრებისგან.

2012 წლის აგვისტოში ოსლოს სასამართლომ ბრეივიკი დამნაშავედ ცნო 2011 წლის 22 ივნისს საზაფხულო ბანაკში 69  და ოსლოს ცენტრში 8 ადამიანის მკვლელობაში და მას 21- წლიანი პატიმრობა მიუსჯა.  მოკლულთა შორის იყო ქართველი სტუდენტი თამთა ლიპარტელიანიც.