თურქეთის უმაღლესმა საარჩევნო საბჭომ პლებისციტის შედეგების გადახედვაზე უარი თქვა

თურქეთის რეფერენდუმის შედეგები არ გადაიხედება. უმაღლესმა საარჩევნო საბჭომ ოპოზიციის აპელაცია არ დააკმაყოფილა.

სახალხო-რესპუბლიკური პარტია პლებისციტის შედეგების გაუქმებას ითხოვდა, რასაც მხარი საარჩევნო საბჭოს მხოლოდ ერთმა წევრმა დაუჭირა, წინააღმდეგ კი ხმა 11-მა წევრმა მისცა.

ამ დროისთვის არსებული ინფორმაციით, საკონსტიტუციო ცვლილებებს მხარი ამომრჩეველთა 51,4-მა პროცენტმა დაუჭირა.

საბოლოო შედეგებს უმაღლესი საარჩევნო საბჭო 28 აპრილამდე გამოაქვეყნებს.