ტრამპმა ერდოღანს რეფერენდუმის შედეგები მიულოცა

საქართველო, თბილისი - 10:46 | 18.04.2017

ნანახია: 1341

ამერიკის შეერთებული შტატების პრეზიდენტმა დონალდ ტრამპმა, რეჯეფ თაიფ ერდოღანს რეფერენდუმში გამარჯვება და მანდატის გახანგრძლივება მიულოცა. ორი ქვეყნის ლიდერის სატელეფონო საუბრის შესახებ ინფორმაცია თეთრი სახლის პრესსამსახურმა გაავრცელა.

აშშ-ის პრეზიდენტმა და ერდოღანმა სირიის ვითარებაზეც ისაუბრეს. ტრამპმა, ასევე, მადლობა გადაუხადა თურქეთის პრეზიდენტს, ავღანეთში აშშ-ის მიერ განხორციელებული სარაკეტო თავდასხმის შემდეგ გამოხატული მხარდაჭერისთვის.

ლიდერები შეთანხმდნენ, რომ მნიშვნელოვანია, სირიაში სამართლიანობა აღდგეს - ნათქვამია თეთრი სახლის ანგარიშში.

თურქეთში საგანგებო მდგომარეობა 3 თვით გაახანგრძლივეს. საგანგებო მდგომარება რეფერენდუმის შედეგების საპროტესტოდ გამართული მასშტაბური დემონსტრაციის პარალელურად, თურქეთის ვიცე პრემიერმა, ნუმან ქურთუმლუშმა გაახანგრძლივა.

მისი თქმით, გადაწყვეტილება მინისტრთა კაბინეტმა ეროვნული უშიშროების საბჭოსთან ერთად მიიღო.

საგანგებო მდგომარეობის გამოცხადებით, ქვეყნის მასშტაბით კვლავ შენარჩუნებული იქნება უსაფრთხოების გაძლიერებული ზომები.

თურქეთში ჩატარებული რეფერენდუმის შედეგების საპროტესტოდ სტამბოლში ასობით ადამიანმა დემონსტრაცია გამართა.